لیکوال: قاصد افغان
هویت، ملیت او وقار په یوه هیواد کې د یو وګړي انسانیت، شخصیت او وقار څرګندوي؛ له همدې امله، تېر او اوسني نسل د دې د ساتنې لپاره سخت او په دقت سره کار کړی دی.
په نړۍ کې د جګړو د جوړولو یوازیني لاملونه د‌ هېواد د عزت، وقار او خپلواکۍ ساتنه ده.

په افغانستان کې له پردیانو سره د مجاهدینو او مسلمانانو د جګړو لامل يې هم فقط د سوکالي، خپلواکي، دینداري او د اسلام ساتنه او شتون دی او دوی د دې لپاره یې خپل خوږ ژوند له لاسه ورکړ، شهیدان او ټپیان شول ترڅو موږ وکولی شو په خپل ژوند کې په پوره سوله، امنیت، اسلام، همغږۍ او یووالي کې ژوند وکړو.

نن ورځ، د خپلواکۍ، د اسلامي نظام د واکمنۍ او امنیت په شتون سره، بیا هم یو شمیر د لویدیځ غلامان او د ډالرو سوالګر هڅه کوي چې اوازې او افواهات خپرې کړي ترڅو د حکومت او ملت ترمنځ اختلاف رامینځته کړي.

د دوی اوازې تر دې کچې زیاتې شوې دي چې له بده مرغه نړۍ، افغانستان د ترهګرو، مجرمینو، غدارانو، غلو او ظالمانو ځاله ګڼي چې یوازینۍ موخه یې د انسانیت له منځه وړل او د دوی حقونه تر پښو لاندې کول دي.

اې اوازې خپروونکې!
ولې مو نړۍ ته د افغانستان دومره بد او تریخ انځور وړاندې کړ؟
پوه شه چې ته هم افغان یې، او د افغانستان عزت ستا عزت دی، او یو هوښیار سړی هیڅکله د سپکاوي او غلامي ژوند سره علاقه نلري