لیکوال: قاصد افغان
د امریکا د ولسمشرۍ د ټاکنو په درشل کې، د طالبانو د حکومت ډېرو مخالفینو په ټرمپ او د هغه له ټیم څخه خپله خوښي څرګنده کړه او په عملي توګه یې په رسنیو کې د هغه لپاره خپله غلامي او ملاتړ اعلان کړ.
د ولسمشریزو ټاکنو کې د ټرمپ د بریا سره، او په ځانګړې توګه هغه شعارونه او اعلامیې چې هغه د خپل کار په لومړیو ورځو کې د افغان حکومت پر وړاندې وکړې، د طالبانو مخالفین د واک په لاسته راوړنو په موخه، لاهم زیات خوښ شوه او په یو ډول دوی (د طالبانو مخالفینو) د رسنیو له لارې د افغان حکومت د نسکورولو لپاره کمپاین پیل کړ.
په هرصورت، که تاسو د میرمن نذیره کریمي پوښتنې ته د ټرمپ ځواب لیدلی یا اوریدلۍ وي، نو تاسو به شه پوه شئ چې ټرمپ په څرګنده او ښکاره ډول په رسنیو، خبریالانو او حتی نړۍ کې د هغې سپکاوی او ملنډې کوي، او په یو ډول، هغه په افغانستان کې د ژوند عادي حالت او د کومې ځانګړې ستونزې نشتوالي ته اشاره کوي چې د داسې پیچلې او تعصب لرونکې پوښتنې لامل شوي ده، نه مني او حتی سترګه ځیني پټوي.
که څه هم یو مسلکي خبریال باید په بشپره بې طرفي پوښتنې وکړي او واقعیتونه خپاره کړي؛ خو څرنګه چې لویدیځوال د افغانستان په واک او حکومت کې د تسلط لیوالتیا لري، او طالبان هم په هیڅ ډول، غلامۍ ته سر نه ټیټه وي او په کلکه غواړي چې د هیواد اوسنۍ خپلواکي وساتي، نو دوی(لویدیځوال) هڅه کوي چې په خپلو رسنیو کې د داسې جعلي خبریالانو او ځان پلورونکو په ګمارلو سره د افغانستان د حکومت او خلکو ترمنځ ګډوډي، نفاق او بې اتفاقي رامینځته کړي.
تاریخ د میرمن نذیره کریمي او د هغې د همکارانو دا شرمناک عمل ثبت به کړي او دا به هیڅکله هیر نشي، ترڅو دا د خبریالانو او راتلونکو نسلونو لپاره د رسنیو په ډګر کې یو درس او پند وشي.
دیدگاه تان را بنوسید